مكان لتعليم الكمان
حد يعرف مكان كويس لتعليم الكمان في القاهرة؟
two's complement
ال two's complement هي طريقة نعبر بيها على الارقام السالبة بالbinary، والسبب اننا لو عايزين نطرح رقمين من بعض في الدوائر الكهربية او البروسيسور، الاسهل اننا نعاملهم على اساس الجمع، يعني نجمع القيمة السالبة للرقم المطروح على الرقم الموجب، يعني: (1-) + 2 = 2-1 لو نجحنا ننفذ الفكرة دي، هنوفر كتير اوي على البروسيسور وحجمة هيبقى اصغر... هشرح ال two's complement الاول وبعد كده هثبت ازاي الكلام ده اتحقق. لو اخدنا نظام ال 3 bits، اي كمبيوتر عموما عنده حاجة اسمها ال registry اللي هي عدد الbits اللي الكمبيوتر بيتعامل معاها، انا هعتبر دلوقتي الregistry عبارة عن 3 bits بس وده رقم بسيط اوي، يعني الكمبيوتر يقدر يعبر بيهم عن الارقام من 0 ل 7، يعني 3^2 قيم مختلفة: binary | decimal 0 | 000 1 | 001 2 | 010 3 | 011 4 | 100 5 | 101 6 | 110 7 | 111 لو هنستخدم نظام اسهل الاول من ال two's complement، وهو نظام ال signed binary، هنعبر بيه عن نفس عدد القيم، من 3- الى 3، عن طريق اننا بنعتبر اول bit من الشمال هي الاشارة، موجب لو صفر، سالب لو واحد: binary | dec...
تعليقات
انا كان نفسى اتعلمه اوى
بس منه لله مدرس الموسيقى بتاع المدرسه
عشان مايطلعش الكمان من الفترينه
لما قلتله عايزه اتعلم كمان قالى صوابعك قصيره مش هاتعزفى كويس
احبطنى المجرم
وانا كنت طفله هابله وصدقت
أصل الكمنجه صوتها حلو أوي.
أنا بقه نجحت اني امسك كمنجه، ومدرسة الموسيقى قالتلي القواعد الأساسيه، وبعدين قعدت تعيد فيهم، اظاهر ان ده كان كل اللي تعرفه عن الكمان، اتفقعت ومروحتش تاني على امل اني اتعلمها بره، ولسه عندي امل الحقيقه
:D
عامة ثوانى و هاجيب المعلومات كلها
انا جبت المعلومات بالضبط زى مقالى
"
الكلية في شارع اسماعيل محمد ادام اليمامه سنتر بعد سفارة اسبانيا بشوية
هي الدورات بيعملوها كل 3 شهور شغاله طول السنه
والدراسة يوم الجمعه بس
محاضرتين واحده نظري وواحده عملي
محاضرة النظري ثابته الجمعه و العملي ممكن تحدده مع الدكتور
السعر 300 جنيه
"
اما موضوع طول الصوابع ده ..ملهوش علاقة الا لما تيجى تشترى كمنجه يعنى بتشتريها على اد طول صوابعك
وسعر الكمنجة من كذا سنة كان 300 الله اعلم هى بكام دلوقتى
انا أول ما هخلص من الامتحانات
هروح اشوف اقرب دوره واحجز فيها.
انا عايز كمان اشتري الكمانجه من شارع محمد علي، اشتريها لوحدي ولا لازم حد خبير معايا، ولا استنى لما اروح الكليه دي ينصحوني أجيب منين؟
body
انا نفسى اشترى كمان واتعلم ياترى حد وصل لحاجة فيكم ولا لسه
وياريت اعرف مكان لتعليم الكمان ف القاهرة
والتفاصيل كله معلش هتعبكم معايا
مكان التدريب اللي رحته موجود في المقر القديم لنقابة الموسيقيين، بيدوا كورسات لمعظم الآلات، اخر مرة روحت كان الشهر ٨ حصص ب٤٠ جنيه، المقر في عمارة قديمة طاله على ميدان محمد نجيب، امام القهوة اللي قدامها سلم المترو بتاع محطة محمد نجيب...
انا عايزة بجد اتعلم كمان
أظن أن معظم الأماكن المذكورة في التعليقات شغالة لغاية دلوقتي، نقابة الموسيقين القديمة -اللي بتقدم الدروس- والجديدة يفصلهم شارعين بالضبط، النقابة القديمة أمام مخارج محطة مترو محمد نجيب، شايفة ميدان محمد نجيب. مش فاكر اسم الشارع بس هي امام قهوة في الميدان. الشارع هو اللي رابط بين ميدان محمد نجيب وميدان طلعت حرب.